Шымкент қалалық денсаулық сақтау басқармасының басшысы науқасқа ренжіп, сотқа шағым түсірді

Шымкент қалалық денсаулық сақтау басқармасының басшысы Нұрлыбек Асылбеков науқастың әлеуметтік желідегі пікіріне ренжіп, сотқа шағым түсірді. Бұл туралы Stan.kz ақпарат агенттігі хабарлайды.  

Фото: otyrar.kz

Шенеуніктің айтуынша, науқастардың бірі әлеуметтік желіге қалалық ауруханалардың біріндегі медициналық қызметтердің сапасыздығы туралы шағым жазған. Жазба авторы қаланың бас дәрігерін ақша үшін тәртіпсіздікке көз жұма қарайды деп айыптаған.

Нұрлыбек Асылбеков бұл факті расталмағанын, сондықтан ол құқық қорғау органдарына шағым түсіргенін айтты. 

"Сапалы медициналық қызмет көрсетпейді деп жала жапты. Сотқа бердім. Себебі мен мемлекеттік қызметкермін. Міне, сондықтан шағым түсірдім", - деді Шымкент қалалық денсаулық сақтау басқармасының басшысы.